خاطرة عامية - حروف الحب

متى تجمعنا على الفرحه تخلينا ........ وتعطينا حلال الوصل بيدينه وبيديني
تبارك حبنا العذري بلقيانا تهنينا......... وهنيه العمر كله وهو كله يهنيني
تعاهدنا نعيش لبعض تسبقنا أمانينا ........ نصبر بعضنا بالطيف أناجيه ويناجيني
على النجوى نعيش الليل محلاها ليالينا ....... أسميه العذوب الشفا و الأعذب سميني
حروف الحب ماتنطق سوى ابشقه تنادينا ..... أنا ديله هلا روحي هلا عمري ناديني
تحس العشق مايعرف أسامٍ غير اسامينا ..... بكاس العشق نتلذذ أصب له و يسقيني
وحشني شوفته والله ولهيب الشوق يكوينا..... وحشته فوق ماتدرك مشاعرنا ويدعيني
ألا ليت البُعد مره يناظر وش عمل فينا..... يشوف الشوق كل الشوق في عينه وعيني

لولو الكلمات كما كاتبتها
رائعه حساسه
بدليل انها تركت اختارت اقرب اللهجات لواقعها
وهذا دليل على انا الحلم حقيقي
والاحساس صادق
والوعد منشود
كلمات تتوه الافواه وتتلعثم الكلمات في التعبير عنها
ثابري الي الامام
وسأكون انا احدى معجبيكي ان تواضعتي وقبلتي
تقبلي مروري
دااام همس القلم